Web orri honi buruz jakin nahi dezun guztia

Zer da web orri hau?

Zumarraga / Urretxuko hizkera ikasi eta zabaltzeko erreminta da web orri hau. Edozein tokitan (baita euskalkiak galduta dauden tokitan) erabilgarri dan ideia ere bada, hobetu eta itxuraldatu daitekeena.

Izenburuak erderaz? Beste batzuk batuaz? Zer da hau?

Nola esango zenuke euskeraz, erderaz datorrena izenburuan? Nola esaten da zure herriko hizkeraz?

Saiatu esaten. Eta ondoren, bideoan erantzuna ikusi, edo “erantzuna idatziz” esaldiaren gainean klikatu, erantzuna idatziz ikusteko.

Ze helburu du Web-orri honek?

Helburua, alde batetik gure behar komunikatiboak zein diren jakitea da, zer ez dakigun euskeraz esaten konturatzea, eta beste alde batetik, esaten dakiguna, gure herriko hizkeraz esaten dan moduarekin alderatzea.

Gure guraso/aitona-amonen katea ez eteteaz gainera, izaten duen jarraipena IKUSI ahal izatea.Denon artean, gure herriko euskeraren gordailu bat egitea. Eta ondo pasatzea noski.

Nahastuta nago. Batua, herriko hizkera… Zer hitzegin behar degu?

Herri hizkerak nahiz batua biak dira onak. Kontua da bakoitzari bere esparrua dagokiola. Eginkizun batzuetarako herri hizkerak dira onak eta, besteetarako, batua.

"Hori ez zen ondo azaldu, eta gaur egun ere asko dira horretaz jabetzen ez direnak."

Koldo Zuazo (euskaltzain urgazlea)

Zeinek sortzen ditu bideoak?

Helburua da, EDOZEINEK bere bideoak sortu eta bidaltzea. Ikasitako gauza bat, zaharrei entzundako gauza bat, bideo motx batean grabatu, eta web orri hau egiten duenari bidaltzea, berak argitaratu dezan.

Gehienbat gazteei dago zuzendua. 10 urtetik 18 urtera bitartekoei. Eskolako zein lagunarteko jolas-ariketa gisa. Baina esan bezela, danontzako dago irekia, eta asmoa ahal dan jende gehienak parte hartzea da.

Bideo bat? Bideokamara?

Bideoa graba dezakeen edozein kamarak balio du. Ez da behar sekulako bideokamara, edo sekulako kalitatea.

Gu ez gera artistak

Artista izatea gutxienekoa da. Garrantzitsuena egoera bat kontatzea da, ahalik eta modu naturalenean, aktore izateko pretentsiorik gabe. Ez da halakorik eskatzen, helburua ikastea, partekatzea, eta ondo pasatzea da.

Ez dakit nola esaten dan gauza bat: zer egin behar det?

Delicious orrira junda, bertako zerrendan aurkitu bilatzen ari zerana. Zerrendan badago, hitz hori azaltzen diren bideoak ikusi ahal izango dituzu, egile desberdinenak. Hauetan izango dezu erantzuna.

Ez dagoela zuk bilatzen dezuna? Bi gauza egin ditzakezu:

a) Zerorrek bilatu erantzuna, aitona-amonei galdetuz, guri galdetuz, eta ondoren, egin bideotxo bat, edo zure gertuko bati egitea proposatu.
b) Ez dezula bideorik sortu nahi? Bidali zure galdera, nere helbide elektronikora idatziz: zure zalantzaren inguruko bideoa sortzen saiatuko gera.

Norenak dira bideoak?

Bidaltzen dezun bideoa zurea da, eta edozein momentutan eska dezakezu web-orri honetatik kentzeko.

Zenbatero eguneratzen da orri hau?

Bideoak sortu ahala, ez dago egutegi zehatzik.


________


Galdera gehiago badituzu, idatzi, zure galderei erantzun ematen saiatuko gera.

_